1 ақпаннан бастап Қазақстанда бірқатар өзгерістер болады. Massaget.kz тілшісі елдегі маңызды өзгерістерге шолу жасады.
Балаларға қордан ақша бөліне бастайды1 ақпаннан бастап балаларға Ұлттық қордан қаржы бөліне бастайды. Бұл туралы Қаржы министрлігі өкілдері мәлімдеген еді.
«2024 жылы алдын ала есептеу бойынша 250 мыңнан аса жас қазақстандық оқу ақысын төлеу немесе тұрғын үй жағдайын жақсарту үшін Ұлттық қордың қаражатын пайдалана алады», — деген еді ведомство өкілдері.
pixabay.com
«Елорда жастары» бағдарламасына өтінімдер қабылданады1 ақпанда Астанада «Елорда жастары» атты жеңілдетілген несиелеу бағдарламасына қатысуға өтінімдерді қабылдау басталады.
Ол үшін birge.astana.kz сайты арқылы 1 ақпан сағат 9:00-ден 6 ақпан сағат 23:59-ға дейін өтінімдер қабылданады.
©️ Tengrinews.kz / Тұрар Қазанғапов
Ақпанның басында Алматыда жолда жүру шектеледіАлматыда Еуразиялық үкіметаралық кеңес отырысы өтуіне байланысты 1-2 ақпанда жолда жүруге шектеу енгізіледі:
1 ақпанда әл-Фараби даңғылы, ШААЖ, Құлжа тасжолы, Саин, Шаляпин, Майлин, Бұқтырма көшелері; 2 ақпанда әл-Фараби, Сейфуллин даңғылдары, Саин, Жароков, Шаляпин көшелері.©️ Tengrinews.kz / Әлихан Сариев
Запастағы офицерлер әскери қызметке шақырыладыЗапастағы офицерлер екі жыл мерзімге әскери қызметке шақырылады. Қарулы күштерге 600 адамды, ҰҚК Шекара қызметіне 80 адамды, ІІМ Ұлттық ұланға 42 адамды және ТЖМ-ге 30 адамды шақыру жоспарланып отыр. Құжатқа сәйкес 2024 жылы 752 запастағы офицер шақырылады.
Қаулы 9 ақпаннан бастап күшіне енеді.
Бес медициналық препаратқа тыйым салындыҚазақстанда бес медициналық препаратқа тыйым салынды. Үкімет қаулысымен бақыланатын есірткі құралдарының, психотроп заттар мен прекурсорлардың тізіміне өзгерістер енгізілді. Ал тиісті қаулы 6 ақпаннан бастап күшіне енеді.
Оқушылар демалысқа шығады8 қаңтарда мектептерде ІІІ тоқсан басталды. Ал ақпанда 1-сынып оқушылары үшін қосымша каникул болады. Мұндай каникул жыл сайын беріледі. Биыл ол 7 күнге созылады, яғни 5 ақпаннан 11 ақпанға дейін болады.
Ақпанда ауа райы қандай болады?Жалпы қыста Қазақстанның барлық аумағында ауа температурасы климаттық нормадан 1-2 градус жоғары болады. Соның ішінде ақпанда еліміздің басым бөлігінде жауын-шашын нормаға жақын немесе одан жоғары болады.
Ақпанда қазақстандықтар қанша күн демалады?Биыл ақпанда 29 күн болады, оның ішінде 8 күн демалыс, 21 жұмыс күні бар.
Өзекті жаңалықтарды өз уақытында оқу үшін Facebook парақшамызға жазылыңыз!
По сообщению сайта Tengrinews