Стоковые изображения от Depositphotos
Бүгінде елімізде алтын және күміс алқа иегерлері — 230 мың ана жәрдемақыны өмір бойы алады және олар үшін республикалық бюджеттен 61 млрд теңге қарастырылған, деп хабарлайды Arnapress.kz тілшісі Zakon.kz сайтына сілтеме жасап.
Еңбек және халықты әлеуметтік қорғау министрі Тамара Дүйсенова «Алтын алқа» және «Күміс алқа» алқаларымен марапатталған аналарға тағы бір жәрдемақы қарастырылғанын еске салды. Ол өмір бойы тағайындалады және ай сайын төленеді.
Сонымен қатар президент тапсырмаларын орындау үшін бала күтімі бойынша әлеуметтік төлемдерді жүзеге асыру кезеңі 1 жастан 1,5 жасқа дейін ұлғайтылды. Өткен жылы туылған балаларды ескере отырып, мұндай төлемдерді 760 мыңға жуық отбасы алады.
Тамара Дүйсенова бұл қызметтердің барлығы алушыларға белсенді түрде, яғни мемлекеттік органдарға жүгінбей-ақ ұсынылатынын айтты. Бүгінде Отбасының цифрлық картасын қоса алғанда, осы форматта ұсынылған әлеуметтік-еңбек саласындағы мемлекеттік көрсетілетін қызметтер саны 1 млн болды.
ЕХӘҚМ басшысы төрт баласы бар отбасына төленетін ай сайынғы жәрдемақының ең төменгі мөлшері 55 мың теңгеден сәл асатынын атап өтті. Ал 8 және одан да көп баласы бар отбасылар үшін ең жоғары мөлшері 110 мың теңгеден асады. Биыл жәрдемақының бұл түрін жалпы қаржыландыру көлемі 410 млрд теңгеге 544 мың отбасына төлеу жоспарланып отыр.
«Жоғарыда көрсетілген барлық әлеуметтік төлем отбасының табысына қарамастан тағайындалатынын атап өткім келді. Бірақ отбасының әр мүшесіне шаққандағы табысы белгіленген кедейлік шегінен төмен болған жағдайда, мемлекет қосымша атаулы әлеуметтік көмек көрсетеді. Өткен жылы оны 729 мың адам алды, биыл ол 350 мың адамға тағайындалды, бұл ретте оның орташа мөлшері биыл тіркелген төлемдерді ескере отырып, 18 мың теңге немесе өткен жылдың деңгейінен 8,7 мыңға артық», – деп түйіндеді сөзін министр Тамара Дүйсенова.
Сурет: pexels
По сообщению сайта Arna Press