депо: новости — страница 5

Синоптиктер бүгін, 15 қаңтарда Қазақстанның 13 өңірінде қолайсыз ауа райына байланысты ескерту жасады, — деп хабарлайды Arnapress.kz тілшісі Tengrinews.kz сайтына сілтеме жасап.Маңғыстау облысының батысында, солтүстігінде, орталығында көктайғақ. Түнде және таңертең облыстың солтүстігінде, оңтүстігінде тұман.Атырау облысының оңтүстігінде, шығысында көктайғақ болады.

Облыста жыл басынан бері полиция қызметкерлері 1681 жол қозғалысы ережесін бұзу фактісін анықтады, — деп хабарлайды Arnapress.kz тілшісі облыстық ПД баспасөз қызметіне сілтеме жасап.Оның ішінде 23 жағдай көлікті мас күйде басқарумен байланысты (ҚР ӘҚБтК 608-бабы). Соңғы құқық бұзушылық Абай ауданында тіркелді.

Абай облысының қалалары мен аудандарында «Тәтті шәй» акциясы жалғасуда, — деп хабарлайды Arnapress.kz тілшісі облысы әкімдігінің баспасөз қызметіне сілтеме жасап.Мақсат – жақсылық жасау. Тұрғындар арасында бір-біріне көңіл бөліп, жылулық сыйлауға шақыру.Жақсылықты жарыса насихаттап жүрген еріктілер әсіресе тазалыққа жауапты коммуналдық қызметкерлерге ыстық шай мен тәттілер ұсынып, қуантуда.

Дүниежүзілік денсаулық сақтау ұйымының (ДДСҰ) басшысы Тедрос Гебрейесус метапневмовирус туралы пікір білдірді, — деп хабарлайды Arnapress.kz тілшісі Tengrinews.kz сайтына сілтеме жасап.ДДСҰ басшысының сөзін Венгрияның сыртқы істер және сыртқы экономикалық байланыстар министрі Петер Сийярто жеткізді.

Бүгін қаңтар айында өтетін ҰБТ басталды, ол 10 ақпанға дейін жалғасады, — деп хабарлайды Arnapress.kz тілшісі ҚР Ғылым және жоғары білім министрлігінің баспасөз қызметіне сілтеме жасап.167 мыңға жуық адам ҰБТ-ға қатысуға өтініш берді. Олардың 76,7%-ы қазақ тілінде, 23,2%-ы орыс тілінде, 142 адам ағылшын тілінде тестілеуден өтуге өтініш білдірді.Қаңтар ҰБТ-сын өткізудің бірінші күні ҚР Ғылым және жоғары білім министрі Саясат Нұрбек Астана қаласындағы тестілеу орталықтарының бірінде болды.

2024 жылы мемлекеттік еңбек инспекторлары 54 мыңнан астам жұмысшының құқығын қорғаған, — деп хабарлайды Arnapress.kz тілшісі Zakon.kz сайтына сілтеме жасап.2024 жылдың қорытындысы бойынша мемлекеттік еңбек инспекторлары республиканың 296 кәсіпорны 18,8 мың жұмыскерге 4,5 млрд теңгеге жалақы бойынша берешек екенін анықтады.

Абай облысында денсаулық сақтау саласына жүргізілген жемқорлық тәуекелдеріне сыртқы талдау барысында (2024 ж.) Бірыңғай дистрибьютор – «СК-Фармация» ЖШС медициналық препараттарды уақытылы жеткізбеу фактілері анықталды, — деп хабарлайды Arnapress.kz тілшісі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.Бұл тәжірибе тегін дәрі-дәрмектердің жетіспеушілігіне және пациенттердің оларды өз қаражатына сатып алуына алып келді.

ІІМ 2024 жылғы 27 желтоқсандағы бұйрығымен мопедтерді тіркеу үшін құжаттар тізбесін айқындайтын Көлік құралдарының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу қағидаларына өзгерістер енгізілді, — деп хабарлайды Arnapress.kz тілшісі Zakon.kz сайтына сілтеме жасап.Мопедті тіркеу үшін иесі (иесінің өкілі) мына құжаттарды ұсынуы керек:Көлік құралының сәйкестендіру нөмірін пайдалана отырып, көлік құралдарының жекелеген түрлерін мемлекеттік тіркеу, есепке алу және есептен шығару үшін қажетті құжаттар тізбесіне де осындай толықтыру енгізілді.Бұйрық 2025 жылдың 5 сәуірінен бастап күшіне енеді.Еске салайық, механикалық көлік құралын (бастапқы мемлекеттік тіркеуден өтетін көлік құралын қоспағанда) немесе тіркемені тіркеу ставкасы 0,25 АЕК (2025 жылы 983 теңге) құрайды.

Жаңа жылдың алдында қалалық шыршаны безендіруге шақырылып, биіктен құлаған ұстаз ауруханадан үйге шығарылды, — деп хабарлайды Arnapress.kz тілшісі.Басынан ауыр жарақат алып, бір-неше күн жансақтау бөлімінде болған Қуат Айтқалидің бүгінгі жағдайы орташа. Жұбайы Сымбат Тұрғалиеваның айтуынша өздігінен жүріп-тұруы қиын.

Абай облысының полициясы 700-ге жуық аңшылық қаруды тексеруден өткізді, — деп хабарлайды Arnapress.kz тілшісі облыстық ПД баспасөз қызметіне сілтеме жасап.Полиция департаментінің жедел-криминалистикалық басқармасы баллистикалық сараптама бойынша маңызды жұмыстарын жалғастыруда.«Баллистикалық сараптама – криминалистиканың ең жоғары және күрделі бағыттарының бірі.

14 мыңға жуық қазақстандық зейнетақы қорындағы қаражатқа көзін емдеткен. Алайда көптеген адам бұл мүмкіндікті білмейтін көрінеді. Себебі өтініш берушілердің саны тым аз, — деп хабарлайды Arnapress.kz тілшісі qazaqstan.tv сілтеме жасап.Бірыңғай жинақтаушы зейнетақы қорының ресми сайтында төлемдердің қайда жұмсалғаны және қанша адам өтініш бергені жайлы толық ақпарат жарияланды.

600 миллион теңгеден аса қаржы жымқырған қазақстандықтың жазасы жеңілдетілді, — деп хабарлайды Arnapress.kz тілшісі Tengrinews.kz сайтына сілтеме жасап.Сот үкімі бойынша, Шигабутдинова сеніп тапсырылған қаражатты жымқыру бойынша айыпты деп танылған (ҚК-нің 189-бабы 4-бөлігі 2-тармағы). Оған 8 жылға бас бостандығынан айыру жазасы тағайындалған.Іс материалдарын зерделеу мынаны көрсетті.Шигабутдинова ЖШС бухгалтері бола тұра, басшылық ұсынған «Банк-Клиент» бағдарламасына рұқсаты бола отырып, ЖШС шотынан екі жеке кәсіпкердің есепшотына банк реквизиттерінде оның және ағасының шотының нөмірін көрсете отырып, 613 миллион теңгеден астам қаражат аударғаны анықталды.Шигабутдинованың кінәсі жиналған айғақтармен дәлелденді.

Мәдениет және ақпарат министрінің м.а 2024 жылғы 27 желтоқсандағы бұйрығымен белгілі бір аумақта халықтың тұрмыстық жағдайы бұзылған жағдайда бұқаралық ақпарат құралдарына ресми хабарламалар беру қағидалары бекітілді, — деп хабарлайды Arnapress.kz тілшісі Zakon.kz сайтына сілтеме жасап.Қағидаларда тиісті саланың уәкілетті мемлекеттік органдары өз құзыреті шегінде немесе жергілікті атқарушы органдардың белгілі бір аумақта халықтың өмір сүру жағдайлары бұзылған жағдайда бұқаралық ақпарат құралдарына ресми хабарламаларды оқиға болған сәттен бастап 3 сағаттан кешіктірмей беруі көзделген.Құжатта халықтың өмір сүру жағдайының бұзылуы деп оның факторларының адамға кері әсері болатын өмір сүру ортасының жай-күйінің өзгеруі түсіндіріледі.Ресми хабарландыруды уәкілетті тұлға немесе орталық мемлекеттік және жергілікті атқарушы органдардағы бұқаралық ақпарат құралдарымен өзара іс-қимыл бөлімі дайындайды.

Семейде Ертіс өзеніне батып кеткен автокөлікті алып шықты, — деп хабарлайды Arnapress.kz тілшісі ТЖМ баспасөз қызметіне сілтеме жасап.Іздестіру-құтқару жұмыстары барысында Қазақстан ТЖМ қызметкерлері ҚР ТЖМ 68303 әскери бөлімінің инженерлік техникасының көмегімен батып кеткен автокөлікті жағаға шығарды.«Көлік ішінде адамдар табылған жоқ. Қазіргі уақытта екі адамды іздестіру жұмыстарын ведомствоның 100-ден астам құтқарушы, полиция қызметкерлері және волонтерлер жүргізуде. Іздестіру жұмыстары жалғасуда», — деді Абай облысы ТЖД бастығының орынбасары Азамат Орымбаев.Сурет: ҚР ТЖМ баспасөз қызметі

Қазақстанда 2024 жылдың қорытындысы бойынша пайдалануға берілген оқушы орны рекордтық көрсеткішке жетті, — деп хабарлайды Arnapress.kz тілшісі.Елімізде 373 мың оқушы орнына арналған 257 мектептің құрылысы аяқталды. Бұл үш ауысымды 42 мектептің және 148 елді мекенде орналасқан 20 апатты мектеп пен орын тапшылығы мәселесін шешуге мүмкіндік берді.Үш ауысымды оқыту және апатты мектептер мәселесін шешу бойынша бюджет қаражаты есебінен және инвестиция тарта отырып жүйелі жұмыстар жүргізілуде.Мемлекет басшысы бастамашылық еткен «Жайлы мектеп» ұлттық жобасы аясында оқу жылының басынан 254 мың оқушы орнына арналған 105 мектеп пайдалануға берілді, оның ішінде 40%-дан астамы ауылдық жерлерде орналасқан.Білім беру инфрақұрылымын қолдау қоры бойынша 27 мың оқушы орнына арналған 25 мектеп қолданысқа берілді. Қосымша тағы бес мектеп пен 3,3 мың орындық интернат құрылысы жүруде.Білім беру нысандары құрылысының басым бөлігі Жетісу, Қызылорда, Батыс Қазақстан, Ақмола облыстарында және Алматы қаласында салынуда.

Қазақстан Республикасы Оқу-ағарту министрлігінің мәліметінше, 2025 жылы балаларды мектепке дейінгі тәрбие және оқытумен қамтуды 95%-ға дейін ұлғайту жоспарланып отыр, деп хабарлайды Arnapress.kz тілшісі Primeminister.kz сайтына сілтеме жасап.Мектепке дейінгі ұйымдарға бармайтын балалардың ата-аналарына әдістемелік қолдау көрсету мақсатында, балалардың отбасылық жағдайда тәрбие алуы, дамуы және күтімі мәселелері бойынша кеңес беру пункті санын 4 245-ке дейін арттыру жоспарланған.

Білім саласындағы бюджет қаржысын жымқырумен байланысты қылмыстық іс аясында мемлекетке 1 млрд теңгеге жуық залал қайтарылды, — деп хабарлайды Arnapress.kz тілшісі Бас прокуратураның баспасөз қызметіне сілтеме жасап.Түркістан облысының прокуратурасы Мақтаарал ауданы Білім бөлімінің 43 лауазымды тұлғалары мен жауапты қызметкерлеріне қатысты бюджет қаржысын (2,4 млрд теңгеден астам) жымқыру фактісі туралы істі сотқа жолдады.

112 пультіне жедел медициналық жәрдем станциясының операторынан әйелді тасымалдауға көмек қажет екендігі туралы хабарлама түскен, деп хабарлайды Arnapress.kz тілшісі ТЖМ баспасөз қызметіне сілтеме жасап.Белгілі болғандай Абай облысы Жарма ауданының шаруа қожалықтарының бірінде 1978 жылы туған әйелді тасымалдауға көмек қажет болған.Ауа-райының нашарлауына байланысты жолды қар басып, жүру қиынға соққандықтан, Семей қаласының жедел құтқару жасағының қызметкерлері өтімділігі жоғары техникамен жолға шықты.Шақыру орнына аман-есен жеткен құтқарушылар науқасты жедел жәрдем көлігіне жеткізіп, оны Денсаулық сақтау министрлігінің қызметкерлеріне табыстады.Сурет: ҚР ТЖМ баспасөз қызметі

Расследование уголовного дела по факту хищения бюджетных средств в особо крупном размере завершено департаментом АФМ по городу Шымкенту, передает центр деловой информации Kapital.kz со ссылкой на пресс-службу Агентства по финансовому мониторингу. По данным ведомства, установлено, что руководитель аппарата акима Аль-Фарабийского района города Шымкент, используя свое служебное положение, в сговоре с директором и учредителем ТОО совершил растрату бюджетных средств.«Подозреваемые разработали сметную документацию с завышенной стоимостью материалов для благоустройства жилых дворов, включая мусорные баки, мини-беседки, кресла-качалки, игровые и тренажерные комплексы.

Қазақстан ТЖМ құтқарушылары Семейде адамдармен суға кеткен көліктің іздестіру-құтқару жұмыстарын жалғастыруда, — деп хабарлайды Arnapress.kz тілшісі ТЖМ баспасөз қызметіне сілтеме жасап.Апат кезінде салонда 4 адам болған. Жолаушылардың бірі көліктен өздігінен шығып, жағаға жүзіп жетті. Оған медициналық көмек қажет болған жоқ.Оқиға туралы хабарлама келіп түскеннен кейін бірден оқиға орнына ТЖМ қызметкерлері барып, іздестіру-құтқару жұмыстарын бастап кетті.«Сағат 09:00-де іздеу тобы қайтыс болған бір адамның денесін тауып, судан алып шықты.

Ауа райының қолайсыздығынан бірнеше өңірде тасжолдар ішінара жабылды. Соның салдарынан 700-ден астам адам жабылған жолдардан пойыздармен тасымалданды, — деп хабарлайды Arnapress.kz тілшісі Tengritravel.kz сайтына сілтеме жасап.Адамдарды тасымалдау Сарыбел, Макинка, Ельтай, Ақкөл, Ерментау, Екібастұз және Курорт-Бурабай станцияларынан ұйымдастырылды.«Жолаушыларды тасымалдау жұмыстары жалғасып жатыр.

Әскери борышын өтеу – әрбір азаматтың қасиетті міндеті әрі ел тыныштығы мен болашағын қорғаудағы маңызды қадам. Әскер қатарына қосылу – бұл тек қызмет емес, патриоттық сезімді көрсетіп, ұлт алдындағы жауапкершілікті сезінудің жарқын үлгісі. Осы бағытта еліміздегі жинақтау пункттері маңызды рөл атқарады, деп хабарлайды Arnapress.kz тілшісі.Күзгі әскерге шақыру: Абай облысындағы жинақтау пункті.

2025 жылдың 1 қаңтарынан бастап Қазақстанда зейнетақы мен жәрдемақы қаншаға өскені жайлы Еңбек және халықты әлеуметтік қорғау министрлігінің (ЕӘҚМ) баспасөз қызметі мәлімдеді, — деп хабарлайды Arnapress.kz тілшісі Zakon.kz сайтына сілтеме жасап.2025 жылғы 1 қаңтардан бастап мемлекеттік жәрдемақылар мен базалық зейнетақы төлемдерінің барлық түрінің мөлшері ҚР Ұлттық Банкі айқындайтын инфляцияның болжамды деңгейіне сәйкес 6,5%-ға, ынтымақты зейнетақы 8,5%-ға, яғни инфляция деңгейінен 2% — ға оза отырып ұлғайтылды.Бұдан басқа Мемлекет басшысының тапсырмасы бойынша 2023 жылдан бастап бес жыл ішінде ең төмен базалық зейнетақыны ең төмен күнкөріс деңгейінің 70%-на дейін, ең жоғары – 120%-ға дейін жыл сайын кезең-кезеңімен арттыру жүзеге асырылады.Мәселен, 2025 жылғы 1 қаңтардан бастап базалық зейнетақының ең төмен мөлшері ең төмен күнкөріс деңгейінің 65%-нан 70%-ға дейін ұлғайтылды, бұл 32 360 теңгені құрап, оның ең жоғары мөлшері ең төмен күнкөріс деңгейінен 105-тен 110%-ға дейін арттырылып, 50 851 теңгені құрайды.Мысалы, 2019 жылы зейнеткерлікке шыққан 69 жастағы зейнеткердің 2024 жылы бюджеттен төленетін зейнетақы мөлшері 156 856 теңгені құрады, оның ішінде базалық зейнетақы төлемі – 45 578 теңге, ынтымақты зейнетақы – 111 278 теңге.

Семейде Ертіс өзеніне жарыс кезінде автокөлік құлап кетті, — деп хабарлайды Arnapress.kz тілшісі облыстық ПД баспасөз қызметіне сілтеме жасап.«2025 жылғы 5 қаңтарда сағат 06:00-де Полковничий аралында, Бүркіт ұясы маңында жеңіл автокөлік жардан құлап, Ертіс өзеніне түскені туралы хабарлама түсті. Алдын ала мәліметтер бойынша, көлік ішінде төрт адам болған», — деп жазылған ресми хабарламада.Оқиға орнына жедел түрде полиция қызметкерлері мен құтқарушылар жіберілді. Қазіргі уақытта іздестіру-құтқару жұмыстары жүргізіліп, оқиғаның барлық мән-жайы анықталуда.Полиция жол қозғалысы қауіпсіздігін қамтамасыз етудің маңыздылығын еске салады және барлық азаматтарды мұндай қайғылы жағдайлардың алдын алу үшін жол қозғалысы ережелерін қатаң сақтауға шақырады.Сурет: Абай облысы ПД баспасөз қызметі

Тараз қаласы №2 соты 2024 жылы өзінің жұмыс жоспары және облыстық соттың тапсырылған жоспарлары бойынша біршама іс-шаралар атқарды. Мемлекеттік тілдің мәртебесін көтеру үшін облыстық және республикалық басылым беттерінде 4 мақала жарық көрді, ұжымдық масштабта судьялар тарапынан 3 семинар-сабақ өтті, мемлекеттік және мемлекеттік емес мекемелер, ішкі істер органдары, сот орындаушылары, түзеу мекемелері мен адвокаттар арасында 2 мәрте дөңгелек үстел ұйымдастырылды. Өзге мекемелер мен соттар арасында кіріс-шығыс құжаттарын, ішкі құ¬жат айналымын мемлекеттік тілге кө¬ші¬ру жұмысы қолға алынды.

Абай облысында полицейлер ірі ұрлыққа қатысы бар пәтер тонаушылар тобын қылмыс үстінде ұстады, – деп хабарлайды Arnapress.kz тілшісі Polisia.kz сайтына сілтеме жасап. ҚР ІІМ арнайы бөлімшесінің қатысуымен жедел ұстау операциясы жүргізіліп, күдіктілердің әрекеттері қылмыс жасау кезінде тоқтатылды. Оперативті қызметкерлердің анықтауы бойынша, «гастрольдік квартет» атанған топ ШҚО-дан Семей қаласына 19 желтоқсанда келген.Келесі күні күдіктілер пәтерден 15 миллион теңгеден астам қаржының мүлкін ұрлап кеткен. Ұрланған заттардың ішінде алтын бұйымдар мен сейфтен алынған қомақты ақша бар. Қылмыстық схема әдеттегідей жоспарланған: екі қатысушы пәтердің құлпын кілт таңдау арқылы ашқан, ал қалған екеуі сыртта қауіпсіздікті бақылап тұрған.

Қазақстанның Сыртқы істер министрлігі 2024 жылы 29 желтоқсанда Оңтүстік Кореяда апатқа ұшыраған Boeing 737 ұшағына қатысты жағдайға қатысты түсінік берді, деп хабарлайды Arnapress.kz тілшісі Zakon.kz сайтына сілтеме жасап.«Оңтүстік Корея билігі жариялаған алдын ала мәлімет бойынша, ұшақ бортында Қазақстан азаматтары болмаған», — деді Сыртқы істер министрлігінің ресми өкілі Айбек Смадияров.Ұшақ бортында 181 адам болған.

Биыл елімізде 13 423 азаматқа зиянды еңбек жағдайларында ұзақ уақыт жұмыс істеген адамдарға арналған арнаулы әлеуметтік төлем тағайындалды. Аталған төлемді тағайындауға жалпы 14 195 адам өтініш білдірген, деп хабарлайды Arnapress.kz тілшісі ҚР Еңбек және халықты әлеуметтік қорғау министрлігіне сілтеме жасап.Екі көзден төленетін арнаулы әлеуметтік төлемге, 3 201 адам жүгінді, оның ішінде 3 087 адамға тағайындалды.Төрт қаржыландыру көзінен берілетін АӘТ (республикалық бюджет, Бірыңғай жинақтаушы зейнетақы қоры, жұмыс беруші және өмірді сақтандыру ұйымы) тағайындауға 10 994 адам өтініш білдіріп, оның 10 336-сына тағайындалған.Сондай-ақ, 240 азамат сақтандыру компаниясымен зейнеткерлік аннуитет шартының жасалуын күтуде, 138 азамат СМС хабарламаға жауап бермеген.

Бүгін Семей қаласы әкімі атынан 150 балаға арналған жаңа жылдық шырша мерекесі өткізілді, — деп хабарлайды Arnapress.kz тілшісі қалалық әкімдіктің баспасөз қызметіне сілтеме жасап.Қала әкімінің шыршасына қатысушылар ата-анасының қамқорлығынсыз қалған жетім балалар, аз қамтылған және көпбалалы отбасылардан шыққан балалар, ерекше білім беру қажеттіліктері бар балалар, сондай-ақ оқуда, спортта, қоғамдық іс-шараларға белсене қатысқан, шығармашылықта, сонымен қатар өнерде жетістіктерге жеткен дарынды балалар қатысты.Жаңа жылдық қойылым екі бөлімнен тұрды.

Ұшақ апатынан зардап шеккендердің қазіргі жағдайы жайлы айтылды, — деп хабарлайды Arnapress.kz тілшісі Zakon.kz сайтына сілтеме жасап.Бұған дейін хабарланғандай, Маңғыстау облыстық ауруханасына 27 зардап шегуші жеткізілді. Науқастардың 15-і әзірбайжандық, сегізі ресейлік және үшеуі Қырғызстан азаматтары, ал біреуінің азаматтығы белгісіз.Олардың 11-і реанимацияда, 13-і травматология, 2 адам — нейрохирургия және біреуі — хирургия бөлімінде.«Науқастар әртүрлі жарақаттармен түсті, негізінен оларға жабық бас миының жарақаты, мидың шайқалуы, жабық кеуде жарақаттары, 1-2 дәрежелі травматикалық шок диагноздары қойылды.